افضل طريقة لتعلم اللغة الانجليزية (بخمس دقائق يومياً)

افضل طريقة لتعلم اللغة الانجليزية (بخمس دقائق يومياً)

 

نصائح لتعلم اللغة الإنجليزية علي طريقة مستر عمر عبدالرحيم,
ازاي خمس دقائق فقط في اليوم تقدر تغير مستواك في اللغة الانجليزية؟

اقرأ ايضاً: دليل شامل: كل ما تحتاج معرفته عن اختبار الآيلتس وكيفية تحقيق النجاح فيه.

الطريقة الفعالة لتعلم اللغة الانجليزية بخمس دقائق يومياً

لما بدأت اشوف أسئلة المتابعين وايه المشاكل الي بتقبلهم في كورسات تعليم اللغة الإنجليزية ،
لقيت ان 90% من المشكلة في قلة الوقت المتاح لعملية التعلم وممارسة الانجلش.

والغالبية العظمة بيقولوا انا معنديش وقت فاضي بجانب الشغل او الدراسة,  
فلما لقيت المشكلة منتشرة جداً,  كان لازم ابحث عن حلول للمشكلة دي,
لأنعندي مركز تعليم لغة انجليزية. 

فعملت خطة  تواجه مشكلة قلة الوقت المتاح لتطوير الانجلش (خطةالخمس دقائق يوميا ),
كل المطلوب منك خمس دقائق فقط يومياً.

طبعا مش شرط الخمس دقايق تكون تكون في البيت او بتزاكر بورقة قلم,
 ممكن يكون في المواصلات او في الشارع قبل ما تنام، المهم ميعديش اليوم
 الا ما تخصص خمس دقائق بتوع تطوير مهارات اللغة الإنجليزية.

هتعمل ايه في الخمس دقايق  بالضبط؟

خطوات عملية لتعليم اللغة الإنجليزية؟

· علشان تستفيد من الخمس دقائق اكبر استفادة لازم تشتغل علي (القراءة-الكتابة-الاستماع-التحدث).

· اول يوم هتشتغل علي (الاستماع-الكتابة-القراءة), عن طرق الاستماع لفيديو باللغة الإنجليزية من علي اليوتيوب, وتشغل subtitile  انجلش, وتقرأ الكلام خلال استماعك للفيديو.

· هتشتري كراسة او كشكول للكلمات الجديدة, واي كلمة جديدة خلال الفيديو هتكتبها في الكراسة.

· تاني يوم هنشتغل علي التحدث و دي تطبيقات التحدث مع الاجانب  بهدف تعلم اللغة.

· تالت يوم خمس دقايق هتراجع فيهم الكلمات الجديدة الي كتبنها في الكراسة.

· ممكن تسجل الكلمات   على الموبايل أو نوته صغيره في جيبك , بحيث تكون معاك على طول
 وتقدر ترجعلها في أي وقت في اليوم, سواء في الموصلات او أي وقت انتظار خلال اليوم.

· يفضل ان الكلمات الجديدة تكتب معناها بالانجلش من قاموس انجليزي انجليزي, وتقدر تشوف
  افضل قاموس انجليزي انجليزي من هنا.

•  اليوم الرابع هنشتغل على مهارة القراءة والكتابة باللغة الإنجليزية,
   هتجيب أي حاجة تقرأها لمدة دقيقتين على حسب المجال الي انته بتحبه, وهتستمتع بالقراءة فيه,
   النص الي انته قرأته هتكتبه مرة ثانية ولكن بطريقتك أنت.

طبعا الخطة دي مش رسمية ده اجتهاد مني فقط عشان خاطر اساعد الناس في تعلم اللغة الإنجليزية,
واكيد مفيش شخص مش فاضي نصف ساعة في اليوم علشان يطور, اتمنى تكون استفدت النهارده حتي لو قليلا, لو استفددت ابعت المقال لاصدقائك, او أي حد حابب انه يطور نفسه ومهتم بتعلم اللغة الإنجليزية.