افضل 10 نصائح لطلبة هندسة الانتاج -production engineering

افضل 10 نصائح لطلبة هندسة الانتاج -production engineering 

افضل 10 نصائح لطلبة هندسة الانتاج -production engineering


انا مهندس محمد جابر خريج هندسة الإنتاج و علم المواد بهندسة شبرا

دفعة 2005 , و قد دخلت تخصص انتاج لأنه من أوسع التخصصات

في كلية الهندسة , و بعد تخرجي سافرت الي المنيا و عملت في شركة 

  • سيمنز , و كان هذا حلم لي و لم تكن رحلة سهلة علي الاطلاق, و لذلك

    تم التواصل بيني و بين أحد طلاب هندسة شبرا قسم انتاج لأنقل له خبرتي

الصغيرة لعل ان تفيد أحدكم.


ايه مجالات العمل لمهندس الإنتاج؟


يعد مجال هندسة الإنتاج ملك تخصصات هندسة , لكثرة مجالات العمل

به, و استحواذه علي اكثر من نصف وظائف المهندسين و له الأولوية

في إدارة المصنع لأنه اكثر معرفة بعمليات التصنيع و الرؤية الاشمل

بين جميع التخصصات.


يمكن ان يعمل في المجالات التالية:

  • اللحام

  • السباكة

  • تشغيل تقليدي 

  • تشغيل غير تقليدي

  • CNC

  • تشكيل المعادن

  • تشغيل المعادن

  • تصميم الاسطمبات 

  • إدارة الجودة

  • مجال LEAN SIGMA

  • الصيانة

و هناك أكثر من تلك المجالات بكثير يمكن أن يعمل بها مهندس الإنتاج.


نصائح لطلاب هندسة الإنتاج و التصميم


اهتم بأي مادة هتدرسها ; ببساطة لان كل مادة معناها مجال عمل 

و ده لان زي مقلنا ان احنا كمهندسين انتاج بنشتغل في كل الصناعات.

و متقلش ان الدراسة غير الشغل , لا المواد الي بتدرسها هي الي هتطبقها

في شغلك و ده الي بيفرق بين الفني و المهندس " العلوم الهندسية".



اخر سنوات الدراسة , هتلاقي نفسك مايل لتخصص معين , ده التخصص

الي لازم تهتم بيه , و تركز عليه من حين الكورسات و التدريبات العملية

تنزل مصنع من المصانع الي فيها المجال الي اخترته و تقلهم انا عاوز اتدرب

متهتمش بالفلوس لأنك لو اتعلمت كويس و بقيت من الناس الجمدة في المجال ده

هتكسب ملايين من غير مبالغة.



اختار مشروع تخرج يفيدك في المجال الي اخترت انك عاوز تشتغل فيه.

لانك كده هتدي لنفسك فرصة سنة كاملة تتعلم و تاخد خبرة في المجال ده

بالضافة انك هتعمل شغل عملي في مشروع التخرج في المجال الي عاوز

تشتغل فيه , و ده هيوفر عليك مجهود كبير جداً لما تبدأ تشتغل بعد التخرج.



لازم تروح المعارض بتاعت الهندسة زي معرض Mach-Tech 

هناك هتلاقي احدث الماكينات و وسائل التصنيع الحديثة الي هتفيدك

في تخصصك, و ده مش بس مفيد ليك كمهندس انتاج علشان تلاقي شغل

لا ده هيفيدك كمان لو عاوز تبدأ مشروع خاص , هتلاقي افكار و هيوسع

دماغك لحجات اول مره تعرف انها موجودة علي الكوكب اصلاً.



اختار اصحابك في الكلية بعناية شديدة , لان هما دول الناس الي هتشدك

معاهم لطريق التطوير و الكورسات , او هيخدوك معاهم للقهوة و اهمال

الدراسة , اختار مجموعة من الاصحاب تروحوا مع بعض المعارض و تخشوا

دورات تدريبية مع بعض , تتعلموا سوليد مع بعض و تشجعوا بعض علي تطوير الذات

و ابعد عن الاشخاص الفاضية من جوة الي كل همهم انهم يروحوا الكلية يفطروا بس.



عليك و علي الأنشطة الطلابية الي مهتمة بالتطبيقات العملية في مجال الهندسة زي

Enactus و غيرها من الأنشطة الطلابية المفيدة , هتلاقي عندهم خبرة هندسية 

و كمان هتاخد soft skills مهمة جداً زي مهارة التواصل الفعال , العمل ضمن فريق

و مهارة التفاوض و الاقناع.


ادخل مسابقات علي قد متقدر و اشتغل مشاريع تقيلة و صعبة

انته مش هتاخد خبرة و معرفة كبيرة غير من المشاريع التقيلة

المشاريع الضعيفة مش هتضيف ليك خبرة و لكن مشاريع مثلاً

عمل CNC machine او ابتكار حلول صناعية ابداعية, و مشروعات

الروبوتكس و غيرها من المجالات الحديثة و الابتكارية هتنمي عندك 

روح مهندس الانتاج القوي فنياً و تقنياً.



هندسة الانتاج و التصميم محتاجه واحد فاهم ماتريال أوي , و عنده 

معرفة بأفضل طريقة لتشغيل المواد المختلفة, يعني مثلاً في مواد

تستحمل قوة الضغط زي المواد brittle و في مواد تستحمل الشد

زي ductile, و يكون عارف يوظف المواد الصح للمهمة الصح 

بأقل تكلفة و ده مهم جداً .



المهندس بصفة عامة لازم يدرس اقتصاد لأنه مش بيشتغل غير

في مصنع او شركة و أكيد المشروعات دي أهدافهم الربح و تقليل

النفقات و انته كمهندس لو مش عندك معرفة اقتصاديه هتوديهم في داهية

لانك انته الي بتختار المواد الخام و سياسة التخزين و عدد العمالة و غيرها

من الأشياء الي محتاجة علم الاقتصاد الهندسي.



ايه البرامج الي لازم طالب هندسة الانتاج يكون عارفها؟



لازم تكون بتعرف تشتغل solidworks , مفيش مهندس ميكانيكا

مبيعرفش يشتغل علي السوليدورك انته كده بتهرج, ده برنامج 

من الاساسيات الي عند طالب ميكانيكا من سنة اولي كده بيبدأ يتعلمه

و طبعاً مينفعش تكون اخرك فيه ترسم خط و دايرة و تقلي اتعلمته 

لا لازم تحترفه بمنعني الكلمة .



تاني برنامج مهم جداً لمهندس الانتاج و هتحتاجه جداً في ادراتك 

للمصنع , من اوردارات و تنظيم للمصنع و المخازن و الصيانة

برنامج الاكسيل.





اهم فرص التدريب لطلاب هندسة الانتاج



اهم مكان تقدر تدرب فيه هو المصانع الحربية , 

عندك 700 مصنع حربي , بيتم تصنيع كل شيء

و كمان التدريب بيكون مجاناً و ده فرصة كويسة جداً

ليك كطالب هندسة عموماً .

ايه الصناعات الي بتم في المصانع الحربية؟

  1. مصنع الحديد و الصلب

  2. مصنع الذخيرة

  3. مصنع الرادار

  4. مصنع 200 الحربي لإنتاج الدبابة m1a1

  5. أبو زعبل للصناعات الهندسية

  6. أبو زعبل للكيماويات المتخصصة

  7. المعصرة للصناعات الهندسية

  8. حلوان للأجهزة المعدنية

  9. حلوان لمحركات الديزل

  10. قها للصناعات الكيميائية

  11. بنها للصناعات الالكترونية

  12. حلوان للمسبوكات

  13. حلوان للصناعات الغير حديدية

  14. شركة شبرا للصناعات الهندسية

  15. الشركة المصرية الوطنية للمستحضرات الدوائية

  16. هليوبليس للصناعات الكيميائية

و هناك أكثر من ذلك يمكنك الاطلاع علي كل المصانع الحربية من هنا 



أماكن يجب علي طلاب الهندسة الميكانيكية معرفتها


  • السبتية

  • القللي

  • شارع الجمهورية

  • شارع نجيب الريحاني

ليه لازم تعرف الأماكن دي؟

الأماكن دي فيها كل حاجة هتحتاج تشتريها كمهندس او طالب هندسة

و هناك هتعرف لغة السوق , و افضل الأماكن الي تقدر تشتري منها

و الأسعار وهتحتك بالسوق بشكل كبير جداً.


أهمية اللغة الإنجليزية لأي مهندس


اللغة الإنجليزية حالياً هي لغة العلم , أي مرجع هندسي

هتفتحه هتلاقيه باللغة الإنجليزية , أي ورقة بحثية هتلقيها

بالانجلش, التواصل بينك و بين أي مصنع في العالم بيكون 

باللغة الإنجليزية , و كمان الكورسات القوية ليك كمهندس 

انتاج هتلقيها باللغة الإنجليزية , اهم ميزة في اللغة الإنجليزية 

انك هتلاقي سهولة كبيرة في التعلم و التواصل و الانفتاح علي

العلوم الغربية.

ازاي انته كطالب هندسة تطور لغتك الإنجليزية مجاناً؟








تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -